உலகக் கோப்பைக்குப் பின் மஹேல ஜயவர்த்தனா ஓய்வு?

உலகக் கோப்பை கிரிக்கெட் போட்டிக்குப் பின்னர் இலங்கை அணியின் துணை கேப்டன் மஹேல ஜயவர்த்தனா ஓய்வு பெறுவார் என்று தெரிகிறது.
இதுகுறித்து மஹேல கூறியதாவது:
தொடர்ந்து சர்வதேச கிரிக்கெட் போட்டிகளில் விளையாட வேண்டும் என்ற எண்ணம் எனக்கில்லை. எவ்வளவு நாள் மகிழ்ச்சியுடன் விளையாட முடியுமோ அவ்வளவு நாள் கிரிக்கெட் விளையாட வேண்டும் என்று நான் விரும்புகிறேன்.
இது எனக்கு 4-வது உலகக் கோப்பை போட்டியாகும். இதுவே எனக்கு கடைசி உலகக் கோப்பை போட்டியாகவும் இருக்கலாம் என்றார் அவர். உலகக் கோப்பை போட்டிக்குப் பின்னர் ஜயவர்த்தனா ஓய்வு பெறப் போவதை சூசகமாக தனது பேட்டியில் இவ்வாறு தெரிவித்தார்.