சிறந்த கால்பந்து வீரர் யார்?

ரொனால்டோவை விட மெஸ்சி சிறந்த கால்பந்து வீரரெனத் தெரிவிக்கப்படுகிறது. கால்பந்து அரங்கில் முன்னணி வீரர்களாக வலம் வருபவர்கள் கிறிஸ்ரியானோ ரொனால்டோ (போர்த்துக்கல்), லியோனல் மெஸ்சி (ஆர்ஜென்ரினா), உலகின் தலை சிறந்த கால்பந்து வீரருக்கான விருதை இருவரும் மாறி மாறி கைப்பற்றி வருகின்றனர்.
ஆனால் கால்பந்து வீரர்கள் மற்றும் ரசிகர்கள் மத்தியில் ரொனால்டோவை விட மெஸ்சிக்கு தான் வரவேற்பு அதிகம் உள்ளது. இதற்கு காரணம் மைதானத்துக்கு வெளியே ரொனால்டோவின் நடவடிக்கைகளில் உள்ள குறைபாடுகள் தான்.

இது குறித்து பார்சிலோனா கிளப் அணி வீரரான டேனி ஆல்வ்ஸ் (பிரேசில்) கூறுகையில்,

"கிறிஸ்ரியானோ ரொனால்டோ திறமைமிக்கவர் என்பதில் மாற்றுக் கருத்தல்லை. ஆனால் இதன் அடிப்படையில் இவர் சிறந்த வீரர் என்று கூறி விட முடியாது. ஒரு சிறந்த வீரர் என்பவர் மைதானத்துக்கு வெளியிலும் சிறப்பாக நடக்க வேண்டும். ரொனால்டோவை பொறுத்த வரை சக வீரர்கள் யாரையும் மதிக்க மாட்டார். எப்போதும் திமிராகவே இருப்பார். அமைதி என்பதே அவரிடம் இல்லை. ஆனால் அதேசமயம் மெஸ்சி ஒரு பண்புள்ள மனிதர் மைதானத்தில் திறமையான ஆட்டத்தை வெளிப்படுத்தும் இவர் சக வீரர்களிடம் நல்ல முறையில் பழகக் கூடியவர். அமைதி, மரியாதை காட்டுதல் உள்ளிட்ட நல்ல பண்புகள் அவரிடம் உள்ளன. இதனால் தான் ரொனால்டோவை விட மெஸ்சிக்கு ரசிகர்கள் மத்தியில் நல்ல வரவேற்பு உள்ளது' என்றார்.