மட்டக்களப்பில் பகல் கொள்ளைகள் அதிகரிப்பு

மட்டக்களப்பு மாவட்டத்தில் பகல் கொள்ளைகள் அதிகரித்து வருவதாக தகவல்கள் வெளியாகியுள்ளன.

கடந்த செவ்வாய்கிழமையும் காத்தான்குடி பகுதியில் வைத்து வீட்டில் யாரும் இல்லாத வேளையில் இனந்தெரியாத நபர்கள் வந்து கொள்ளையடித்து சென்றுள்ளனர்.

இது தொடர்பில் மேற்கொள்ளப்பட்ட முறைப்பாட்டில் சுமார் 4 லட்சம் ரூபா பெறுமதியான நகைகள் கொள்ளையிடப்பட்டுள்ளதாக தெரிவிக்கப்பட்டுள்ளது.

கொள்ளை சம்பவம் நடைபெறுவதற்கு முன்தினம் அந்த பிரதேசத்துக்கு வெள்ளை வானில் வந்த சிலர், இது தொடர்பில் திட்டமிட்டு கொள்ளையை மேற்கொண்டுள்ளதாக முறைப்பாட்டில் தெரிவிக்கப்பட்டுள்ளது.