கையடக்கத் தொலைபேசிகளுக்கு வரி அறவீடு செய்வதனால் வடக்கு மக்கள் பாதிப்பு – சிறிதரன்

கையடக்கத் தொலைபேசிகளுக்கு வரி அறவீடு செய்யப்படுவதனால் வடக்கு மக்கள் அதிகம் பாதிக்கப்படுவதாக தமிழ்த் தேசியக் கூட்டமைப்பு நாடாளுமன்ற உறுப்பினர் சி. சிறிதரன் தெரிவித்துள்ளார்.
வடக்கு கிழக்கில் நிலையான தொலைபேசிகளின் பயன்பாட்டை விடவும் கையடக்கத் தொலைபேசிகளின் பயன்பாடு அதிகம் என அவர் சுட்டிக்காட்டியுள்ளார்.

கையடக்கத் தொலைபேசிகளுக்கு கட்டணம் அறவீடு செய்வதனால் வடக்கு கிழக்கு மக்கள் அதிகம் பாதிக்கப்படலாம் என அவர் தெரிவித்துள்ளார்.

இதேவேளை, இந்திய மீனவர்கள் தலை மன்னாரில் மீன்பிடியில் ஈடுபட்டு வருவதாகக் குறிப்பிட்டுள்ளார்.

சிங்கள மீனவர்கள் சுதந்திரமான மீன்பிடியில் ஈடுபட்ட போதிலும் தமிழ் மீனவர்கள் சுதந்திரமாக மீன்பிடிப்பதில் சிக்கல் நிலைமை காணப்படுவதாக அவர் தெரிவித்துள்ளார்.