கொழும்பிலிருந்து யாழ்ப்பாணம் சென்ற பஸ் விபத்துக்குள்ளாகியதில் 25 போ் காயம்

கொழும்பிலிருந்து யாழ்ப்பாணம் சென்ற தனியார் சொகுசு பஸ் வண்டியொன்று விபத்துக்குள்ளாகியதில் அதில் பயணித்த 25 போ் காயங்களுடன் மருத்துவமனையில் அனுமதிக்கப்பட்டுள்ளனர்.
நேற்று இரவு கொழும்பிலிருந்து யாழ்ப்பாணத்துக்குப் பயணித்த பஸ் வண்டியானது இன்று அதிகாலை 5.30 மணியளவில் மாங்குளம், கொக்காவில் பிரதேசத்தில் வைத்து விபத்துக்குள்ளாகியதாக தகவல்கள் கிடைத்துள்ளன.

சம்பவத்தில் காயமடைந்தவர்கள் பொலிசாரின் உதவியுடன் கிளிநொச்சி மருத்துவமனைக்கு எடுத்துச் செல்லப்பட்டுள்ளனர். அங்கிருந்து மூவர் மேலதிக சிகிச்சைக்காக யாழ்ப்பாண போதனா மருத்துவமனைக்கு மாற்றப்பட்டுள்ளனர்.

சம்பவம் தொடர்பாக மாங்குளம் பொலிசார் மேலதிக விசாரணைகளை முன்னெடுத்துள்ளனர்.