லஷ்கர் ஈ தொய்பா அமைப்பை கட்டுப்படுத்த இலங்கையுடன் இணைந்து நடவடிக்கை- அமெரிக்கா

பாகிஸ்தானில் இயங்கி வருகின்ற லஷ்கர் ஈ தொய்பா தீவிரவாத அமைப்பை கட்டுப்படுத்த, இலங்கை உள்ளிட்ட நாடுகளுடன் இணைந்து செயற்படுவதாக அமெரிக்கா தெரிவித்துள்ளது.

அமெரிக்காவின் பாதுகாப்பு அதிகாரி ஒருவரை மேற்கோள் காட்டி, ஏ.என்.ஐ இணையத்தளம் இந்த செய்தியை வெளியிட்டுள்ளது.
அமெரிக்க பசுபிக் பிராந்திய பாதுகாப்பு தலைவர் அட்மிரல் ரொபர்ட் வில்லார்ட் இதனை தெரிவித்துள்ளார்.
தெற்காசிய நாடுகளில் லஸ்கர் ஈ தொய்பா அமைப்பின் செயற்பாடுகளை முழுமையாக கட்டுப்படுத்த அந்த நாடுகளின் அரசாங்கங்களுடன் இணைந்து செயற்படுவதாகவும் அவர் குறிப்பிட்டுள்ளார்.