லிபியா தாக்குதலை நிறுத்த வேண்டும்: ஒபாமா

அமெரிக்க அதிபர் ஒபாமா லிபியாவில் போராடும் மக்களின் மீதான தாக்குதல்களுக்கு கடும் கண்டனம் தெரிவித்ததோடு, இதனை எதிர்த்து உலக நாடுகளும் கண்டிக்க வேண்டும் என்று கூறினார்.
தோழமை நாடுகளோடு கலந்து ஆலோசித்து முடிவுகளை எடுக்கப் போவதாகவும் கூறினார். கடாபி அரசு தான் செய்யும் எல்லாக் காரியங்களுக்கும் பொறுப்பேற்க வேண்டும் என்றும், அமைதியாகப் போராடும் மக்கள் மீதான வன்முறை தாக்குதல்களை ஏற்றுக் கொள்ள முடியாது என்றும் தெரிவித்துள்ளார்.

மேலும் எந்த வகையான நடவடிக்கைகள் எடுப்பது பற்றி தீர்வு எடுக்கப்படும். அமெரிக்காவும் அதன் தேச நாடுகளும் சேர்ந்து இந்நடவடிக்கைகளில் ஈடுபடும் என்பதையும் தெரிவித்தார்.

இந்நிலையில் ஐ.நா வுக்கான மேம்‌பாட்டு நிதியகத்தின் சார்பில் எய்ட்ஸ் விழிப்புணர்வு குறித்த பிரசாரம் மேற்கொள்ளவும், நல்லெண்ண தூதராக கடந்த 2009 ம் ஆண்டு லிபியா சார்பில் அதிபர் கடாபியின் மகள் ஆயிஷா கடாபி நியமிக்கப்பட்டிருந்தார்.

இவரை அப்பதவியிலிருந்து நீக்கி உத்தரவிட்டுள்ளதாக ஐ.நா மேம்பாட்டு நிதியகத்தின் செய்திதொடர்பாளர் நெஸர்கி தெரிவித்துள்ளார். மேலும் இது தொடர்பாக மேற்கொள்ளப்பட்டிருந்த ஒப்பந்தங்களும் ரத்து செய்யப்பட்டுள்ளதாக தகவல்கள் வெளியாகியுள்ளன.