விலைவாசிக்கெதிராக களனியில் ஆர்ப்பாட்டம் நடத்தினால் தலையிருக்காது: அமைச்சர் மோ்வின்

அதிகரித்துச் செல்லும் விலைவாசியைக் காரணம் காட்டி அரசாங்கத்துக்கு எதிராக யாராவது களனியில் ஆர்ப்பாட்டம் நடாத்த முயன்றால் அவர்களின் தலையிருக்காது என்று அமைச்சர் மோ்வின் சில்வா எச்சரித்துள்ளார்.

களனியைப் பொறுத்த மட்டில் பச்சை, சிவப்பு நிறங்களுக்கு கொஞ்சமும் இடமளிக்கப் போவதில்லை என்று வலியுறுத்தும் அவர், அதன் காரணமாக அந்தக் கட்சிக்காரர்களில் ஒருவரையாவது இம்முறை தோ்தலின் மூலம் தோ்ந்தெடுக்க வேண்டாம் என்றும் பொதுமக்களிடம் வேண்டுகோள் விடுத்துள்ளார்.

கடந்த இரண்டு நாட்களுக்கு முன் களனியில் நடைபெற்ற ஏழைகளுக்கு நிவாரணம் வழங்கும் நிகழ்வில் கலந்து கொண்டு உரையாற்றும் போதே அவர் மேற்கண்டவாறு எச்சரிக்கை விடுத்துள்ளார்.

கடந்த வெள்ள அனர்த்தத்தின் போது களனி தப்பித்துக் கொண்டது தன் திறமையினால் என்று மார்தட்டிக் கொண்டுள்ள அமைச்சர், தொடர்ந்தும் தன் மீது நம்பிக்கை வைத்து தான் கைகாட்டுகின்றவர்களுக்கு வாக்களித்து, தனது பொறுப்பில் களனியின் உள்ளூராட்சி மன்றங்களைத் தருமாறும் வேண்டுகோள் விடுத்துள்ளார்.