ஐ.நா.நிபுணர் குழுவை சந்திப்பது குறித்து இதுவரை தீர்மானிக்கவில்லை - நல்லிணக்க ஆணைக்குழு

ஐக்கிய நாடுகள் சபையினால் யுத்தக் குற்ற விசாரணைகள் தொடர்பில் நியமிக்கப்பட்ட நிபுணர்கள் குழுவை சந்திப்பதா? இல்லையா? என்பது குறித்து இன்னும் தீர்மானிக்கவில்லை என கற்றுக் கொண்ட பாடங்கள் மற்றும் நல்லிணக்க ஆணைக்குழு தெரிவித்துள்ளது.
அதன் செயலாளர் அடுகொட இதனை தெரிவித்துள்ளார்.

ஐக்கிய நாடுகள் சபையும், இலங்கை அரசாங்கமும் இணைந்து கற்றுக் கொண்ட பாடங்கள் மற்றும் நல்லிணக்க ஆணைக்குழுவையும், ஐக்கிய நாடுகளின் நிபுணர்கள் குழுவையும் சந்திக்க வைக்க தயாராகின்றன.

எனினும் இது தொடர்பில் நிபுணர்கள் குழு எவ்வாறான நிலைப்பாட்டை வெளிப்படுத்துகிறது என்பது குறித்து ஆணைக்குழு அவதானமாக இருப்பதாக அவர் குறிப்பிட்டுள்ளார்.

குறித்த ஆணைக்குழு சுயாதீனமானது என்ற வகையில் யாரை சந்திப்பது என்பது குறித்து தமது தீர்மானிப்பதற்கு தமது ஆணைக்குழுவுக்கு சுதந்திரம் உண்டு எனவும் அவர் தெரிவித்துள்ளார்.