கொழும்பில் மீண்டும் தலைகாட்டத் தொடங்கியுள்ள கடற்கரையோர சடலங்கள்

கொழும்பை அண்மித்த கடற்கரையோரப் பிரதேசங்களில் மீண்டும் இனந்தெரியாத நபர்களின் சடலங்கள் கண்டெடுக்கப்படும் சம்பவங்கள் அதிகரிக்கத் தொடங்கியுள்ளன.
அதன் அண்மைய சம்பவமாக இன்று காலை கொழும்பை அண்மித்த கல்கிஸ்ஸைக் கடற்கரையோரமாக இரண்டு இனந்தெரியாத சடலங்கள் கண்டெடுக்கப்பட்டுள்ளதாக தகவல்கள் கிடைத்துள்ளன.

இரண்டு சடலங்களும் இரத்தத்தில் தோய்ந்த நிலையில் காணப்பட்டதுடன், திடீர் விபத்தொன்றில் இறந்தவர்களின் சடலமா அல்லது வேறெங்காவது கொலை செய்யப்பட்டு அங்கு கொண்டு வந்து போடப்பட்ட சடலங்களா என்பது குறித்து பொலிசார் விசாரணைகளை ஆரம்பித்துள்ளனர்.

இதே போன்று இரண்டு வாரங்களுக்கு முன்பும் வெள்ளவத்தைக் கடற்கரையோர வீதியின் மருங்கில் இனந்தெரியாத சடலமொன்று கண்டெடுக்கப்பட்டமை குறிப்பிடத்தக்கது.