தேர்தல் பிரசாரக் கூட்டத்தில் துப்பாக்கிச் சூடு! ஆளும் கட்சி ஆதரவாளர்கள் இருவர் பலி

கொழும்பின் புறநகர்ப் பகுதியில் ஆளும் கட்சி ஆதரவாளர்களின் தேர்தல் பிரசாரக் கூட்டத்தின் மீது இனந்தெரியாத நபர்கள் நடத்திய துப்பாக்கிச் சூட்டில் இருவர் கொல்லப்பட்டுள்ளனர்.

ஹிக்கடுவில் உள்ள பெரலிய என்னும் பகுதியில் இன்று இரவு 8.00 மணியளவில் இடம்பெற்ற இச்சம்பவத்தில் ஆளும் கட்சியின் ஆதரவாளர்கள் இருவரே கொல்லப்பட்டுள்ளதாக பொலிஸார் தெரிவித்தனர்.

அப்பகுதியை சுற்றி வளைத்துள்ள பொலிஸார் தீவிர தேடுதலில் ஈடுபட்டு வருவதாகவும் பொலிஸார் தெரிவித்தனர்.

இச்சம்பவத்தின் போது உள்ளுராட்சி சபை வேட்பாளர் ஒருவரின் சகோதரரும் மற்றும் ஒருவருமே பலியாகினர்.

இந்த சம்பவத்தை அடுத்து குறித்த பிரதேசத்தில் பதற்ற நிலை ஏற்பட்டுள்ளது.