செல்வம் அடைக்கலநாதன் பா.உ. பயணித்த வாகனம் தலைமன்னாரில் விபத்து

வன்னி மாவட்ட தமிழ்த் தேசியக் கூட்டமைப்பு பாராளுமன்ற உறுப்பினர் செல்வம் அடைக்கலநாதன் பயணம் செய்த வாகனம் விபத்துக்குள்ளான சம்பவம் நேற்று ஞாயிற்றுக்கிழமை தலைமன்னாரில் இடம்பெற்றுள்ளது.
எனினும் இதில் எவருக்கும் எதுவித பாதிப்பும் ஏற்படவில்லை.
தலைமன்னார் பகுதிகளில் உள்ளூராட்சித் தேர்தலில் வாக்களித்த மக்களுக்கு நன்றி தெரிவிக்கும் சந்திப்பில் கலந்து கொண்டு விட்டு அவர் தனது வாகனத்தில் மன்னார் நோக்கி வந்து கொண்டிருந்த போது, தலைமன்னார் பொலிஸ் நிலையத்துக்கு அருகில் பஸ் ஒன்றுடன் இந்த வாகனம் மோதியுள்ளது.
வீதியோரம் நிறுத்தப்பட்டிருந்த இந்த பஸ் திடீரென நடு வீதிக்கு வந்தபோது, எம்.பி.யின் வாகனம் அதனுடன் மோதி விபத்துக்குள்ளாகியது.
இதன்போது பாராளுமன்ற உறுப்பினரின் வாகனத்தின் முன்பகுதி சேதமடைந்ததுடன் டயர் ஒன்றிலும் காற்று போய்விட்டதாக அங்கிருந்து கிடைக்கும் செய்திகள் தெரிவித்துள்ளன.