யாழ்.இணுவில் பகுதியில் இரு மாணவர்களை காணவில்லை

தனியார் கல்வி நிலையத்திற்குச் சென்ற பாடசாலை மாணவர்கள் இருவரை காணவில்லையென பெற்றோர் பொலிஸில் முறைப்பாடு கொடுத்துள்ளனர். இந்தச் சம்பவம் இணுவில் பகுதியில் நேற்று திங்கட்கிழமை நடைபெற்றுள்ளது.
இது தொடர்பில் மேலும் தெரிய வருவதாவது.

ஞா.நிஜந்தன் வயது 12, ஜெ.சிந்துஜன் வயது 12 ஆகிய இரு மாணவர்களுமே காணமல் போயுள்ளனர்.

குறித்த மாணவர்கள் இருவரும் அப்பகுதியில் உள்ள தனியார் கல்வி நிலையம் ஒன்றிற்கு நேற்று மாலை 3.30 மணிக்குச் சென்றுள்ளனர். சென்றவர்கள் மீளவும் வீடு திரும்பவில்லையென பெற்றோர் தெரிவித்துள்ளனர்.

மேலதிகமான தகவல்கள் எவையும் தெரியாத நிலையில் பெற்றோர் சுன்னாகம் மற்றும் யாழ். பொலிஸில் முறைப்பாடு கொடுத்துள்ளனர்.