யாழ். இருபாலையில் வீதி விபத்தில் வயோதிபர் மரணம்

யாழ்ப்பாணம், இருபாலை தெற்கு கல்வியங்காட்டில் நேற்று ஞாயிற்றுக்கிழமை இரவு 11.00 மணியளவில் இடம்பெற்ற வீதி விபத்தில் வயோதிபர் ஒருவர் உயிரிழந்துள்ளார்.
இச்சம்பவத்தில் உயிரிழந்தவர் அதே இடத்தைச் சேர்ந்த கார்த்திகேசு பாலசுப்பிரமணியம் (வயது 77) என்பவராவர்.

இவர் ஜி.பி.எஸ் வீதி முன்னால் வாசிகசாலையின் காவலாளியாக 30 வருடங்கள் செயற்பட்டு வந்தார்.

இச்சம்பவத்துடன் தொடர்புடைய வாகனச் சாரதி வாகனத்துடன் தலைமறைவாகியுள்ளார்.

இச்சம்பவத்தில் பிரஸ்தாப வயோதிபர் சம்பவ இடத்திலேயே மரணமடைந்துள்ளார்.

இவ்விபத்துச் சம்பவம் தொடர்பில் கோப்பாய் பொலிஸார் விசாரணைகளை மேற்கொண்டு வருகின்றார்கள்.